AROUSA NORTE

Arousa Norte é unha entidade creada en 1974 para mancomunar servizos entre os concellos que forman a comarca do Barbanza.  Os concellos da Pobra do Caramiñal, Boiro, Rianxo e  Riveira, situados na zona norte da ría de Arousa (provincia da Coruña).

A localización, no corazón da costa atlántica galega, e unhas boas infraestruturas de comunicación fan que o destino resulte facilmente  alcanzable. A fértil Ría de Arousa, que baña estes catro concellos, é unha das máis prestixiosas e recoñecidas a nivel mundial pola nobreza coa que os seus produtos tinguen a súa gastronomía.

Quere consolidarse como un destino turístico diferenciado e de calidade dentro do panorama nacional e internacional.

Na actualidade, fortaleceuse como destino grazas, en boa medida, á  súa posta en valor mediante a colaboración e sensibilización co sector empresarial e a poboación local. Froito desta colaboración é a elaboración desta serie de catálogos e guías, con rutas por estrada e en barco, así como guías de referencia para a procura de aloxamentos e restaurantes.

A mensaxe a transmitir é que Arousa Norte é natureza, acougo e calidade, un destino que ten moito que ofrecer e todo por descubrir.